چهارشنبه ۲۳ آبان ۱۳۹۷
www.mokrian.ir

  • تاریخ: یکشنبه, ۸ مهر ۱۳۹۷ / ساعت ۰۹:۱۰:۵۹
  • شناسه خبر: 3890

زۆرینەی ناوەندەکانی چاپ و بڵاوکردنەوەی هەرێم بەشداری پیشانگای کتێبی کوردستانی ئێران دەبن

کۆنسووڵخانەی کۆماری ئیسلامی ئێران لە هەرێمی کوردستانی عێراق، وێڕای ئاماژە بە بەشداریی زۆرینەی ناوەندەکانی چاپ و بڵاوکردنەوەی هەرێم لە پیشانگای نێودەوڵەتیی کتێبی کوردستانی ئێران، ڕایگەیاند: ئەم کۆنسووڵخانەیە بۆ بەشداریی لە هەشتەمین پیشانگای نێودەوڵەتیی کتێبی کوردستانی ئێران هەموو جۆرە هاوکارییەکی پێویست پێشکەش بە ناوەندەکانی چاپ و بڵاوکردنەوەی کوردستانی عێراق دەکات. بە پێی ڕاپۆرتی موکریان، نوێنەرانی دایرەی […]

کۆنسووڵخانەی کۆماری ئیسلامی ئێران لە هەرێمی کوردستانی عێراق، وێڕای ئاماژە بە بەشداریی زۆرینەی ناوەندەکانی چاپ و بڵاوکردنەوەی هەرێم لە پیشانگای نێودەوڵەتیی کتێبی کوردستانی ئێران، ڕایگەیاند: ئەم کۆنسووڵخانەیە بۆ بەشداریی لە هەشتەمین پیشانگای نێودەوڵەتیی کتێبی کوردستانی ئێران هەموو جۆرە هاوکارییەکی پێویست پێشکەش بە ناوەندەکانی چاپ و بڵاوکردنەوەی کوردستانی عێراق دەکات.
بە پێی ڕاپۆرتی موکریان، نوێنەرانی دایرەی گشتیی فەرهەنگ و ئیرشادی پارێزگای کوردستان ڕۆژی چوارشەممە (۴ی ڕەزبەر) بۆ ئامادەکاریی پێویست و بەستێن خۆش کردنی بەشداریی ناوەندەکانی چاپ و بڵاوکردنەوەی هەرێمی کوردستانی عێراق لە هەشتەمین پیشانگای نێودەوڵەتیی کتێبی کوردستان سەردانی هەرێمی کوردستانیان کرد.
لەم سەفەرەدا وەفدی دایرەی فەرهەنگ و ئیرشادی پارێزگای کوردستان لە گەڵ سەرکۆنسووڵی کۆماری ئیسلامی ئێران لە هەرێمی کوردستان و هەروەها بەرپرسانی وەزارەتی ڕۆشنبیری و لاوان و بەرپرسی پێوەندییە گشتییەکانی وەزارەتی ڕۆشنبیری دیدار و گفتوگۆیان کرد.
سەرکۆنسووڵی کۆماری ئیسلامی ئێران لە هەرێمی کوردستانی عێراق لە دیدار لەگەڵ وەفدی نوێنەرایەتی دایرەی فەرهەنگ و ئیرشادی پارێزگای کوردستان وێڕای ئاماژە بە بەشداریی زۆرینەی ناوەندەکانی چاپ و بڵاوکردنەوەی هەرێم لە پیشانگای نێودەوڵەتیی کتێبی کوردستانی ئێران، ڕایگەیاند: ئەم کۆنسووڵخانەیە بۆ بەشداریی لە هەشتەمین پیشانگای نێودەوڵەتیی کتێبی کوردستانی ئێران هەموو جۆرە هاوکارییەکی پێویست پێشکەش بە ناوەندەکانی چاپ و بڵاوکردبنەوەی کوردستانی عێراق دەکات.
مورتەزا عەبادی بە ئاماژە بە پەرەسەندنی پێوەندییەکانی هەرێمی کوردستان و کۆماری ئیسلامی لە بواری فەرهەنگدا، ئامادەیی ئەم کۆنسووڵخانەیەی بۆ بەڕێوەبردنی هەر چەشنە بەرنامەیەکی هاوبەشی فەرهەنگی و هونەری لەگەڵ هەرێمی کوردستان دەربڕی.
عەبادی ڕاشیگەیاند:هاوکاری و ئاسانکارییەکان بۆ بەڕێوەچوونی هەموو جۆرە بەرنامەیەکی فەرهەنگی و هونەری لەگەڵ هەرێمی کوردستان ڕادەگەیێنرێت.
لە بەشێکی دیکەی ئەم دیدارەدا ڕێز گیرا لە هەوڵەکانی کۆنسووڵخانەکانی ئێران لە هەولێر و سلێمانی لە بەڕێوەچوونی حەفتەمین پیشانگای کتێبی کوردستان لە سنە کە ساڵی ڕابردوو کرایەوە.
نوێنەری دایرەی گشتیی فەرهەنگ و ئیرشادی پارێزگای کوردستان لەم دیدارەدا وێڕای جەخت لەسەر هاوکاریی فەرهەنگی نێوان ئێران و هەرێمی کوردستانی عێراق، ڕایگەیاند: هەشتەمین پیشانگای نێودەوڵەتیی کتێبی کوردستان دەرفەتێکە بۆ هاوکاریی فەرهەنگی زیاتر و بەشداریی ناوەندەکانی چاپ و بڵاوکردنەوەی هەرێمی کوردستانی عێراق لە ئێراندا.
حەمید ڕەزا زەڕی بە ئاماژە بەوەی کە هاوبەشیی فەرهەنگی ئێران و هەرێمی کوردستانی عێراق بەستێن بۆ هاوکاری نێودەوڵەتی ئامادە دەکات، زیادی کرد:  بەرزکردنەوەی ئاستی هاوکاری فەرهەنگی دەبێتە هۆی پێشکەوتنی بەرهەمەکان و ڕاگۆڕینەوە لە کۆمەڵگای فەرهەنگ و هونەری دوو وڵات.
وەفدی دایرەی فەرهەنگ و ئیرشادی ئیسلامی کوردستان هەرەوەها لەگەڵ بەرپرسانی وەزارەتی ڕۆشنبیری و لاوانی هەرێمی کوردستان و کۆنسووڵی گشتیی ئێران لە هەرێم و بەرپرسی پێوەندییە گشتییەکانی وەزارەتی ڕۆشنبیری دانیشتنێکیان بۆ تاوتوێ کردنی ڕێکارەکانی پەرەپێدانی هاوکاری و چالاکی فەرهەنگی، هونەری و میدیایی بەڕیوەبرد.
لەم دانیشتنەدا وێڕای سوپاسگوزاری لە میوانداری و بەشداریی ناوەندەکانی چاپ و بڵاوکردنەوەی هەرێمی کوردستان لە حەفتەمین پیشانگای نێودەوڵەتی کوردستان سەبارەت بە پرس و کێشەکانی پیشانگای پێشوو گفتوگۆ و بیر و ڕا ئاڵوگۆڕ کرا.
دوکتۆر سالار عوسمان جێگری یەکەمی وەزارەتی ڕۆشنبیری هەرێمی کوردستان لەم دانیشتنەدا ڕایگەیاند کە لە هەشتەمین پیشانگای نێودەوڵەتیی کتێبی کوردستان ناوەندەکانی چاپ و بڵاوکردنەوەی هەژار موکریانی، تەفسیر، سەردەم، چوارچرا، غەزەڵنووس، ئەنسیتۆی کوردناسی مامۆستا مەزهەر خالقی، ئەندیشە و وەزارەتی ڕۆشنبیری  بەشداریی دەکەن.
هەشتەمین پیشانگای نێودەوڵەتیی کتێبی کوردستان لە ڕۆژانی ۱۸ بۆ ۲۳ی ڕەزبەر  بە سەرپەرەستی جەلال قەلعەشاخانی بەڕێوبەری گشتیی دایرەی فەرهەنگ و ئیرشادی پارێزگای کوردستانی ئێران لە شوێنی پیشانگا نێودەوڵەتییەکان لە شاری سنە بەڕێوە دەچێت.
کۆتایی./جام



گفتگو